ფინკა ბანკი შეღავათიანი აგროკრედიტის პროგრამას უერთდება

2020-10-12 17:41:40

 

ფინკა ბანკი შეღავათიანი აგროკრედიტის პროგრამას უერთდება

შეღავათიანი აგროკრედიტის პროექტი სოფლის განვითარების სააგენტოს მიერ ხორციელდება. პროექტის მიზანია სასოფლო-სამეურნეო დარგში დასაქმებულ ფიზიკურ და იურიდიული პირებს იაფ ფინანსურ რესურსებზე წვდომა მისცეს.

კრედიტი სამი მიმართულებით გაიცემა: საბრუნავი/ძირითადი საშუალებებისთვის და მექანიზაციის ქვეკომპონენტისთვის. საბრუნავი საშუალებებისთვის 5000-დან 100 000 ლარამდე სესხის აღებაა შესაძლებელი. სესხის ვადა 36 თვემდეა, თუმცა პროექტის ფარგლებში არსებული თანადაფინანასება 6 თვეს მოიცავს, რის შემდეგაც მომხმარებელი პროცენტს სრულად გადაიხდის.

ძირითადი საშუალებების შემთხვევაში, ფინკა ბანკში კრედიტით სარგებლობა 20 000-დან 150 000 ლარის ფარგლებშია შესაძლებელი. სესხის ვადა 60 თვემდეა, თუმცა თანადაფინანსება პირველ 48 თვეს ეხება.

მექანიზაციის ქვეკომპონენტი მომხმარებლებს 7 000-დან 150 000 ლარამდე სესხით სარგებლობის საშუალებას აძლევს, სადაც თანადაფინანსებით სარგებლობა 48 თვემდეა შესაძლებელი. დეტალური ინფორმაცია იხილეთ ბმულზე.

ფინკა ბანკს მიკრო დაფინანსების სფეროში ერთ-ერთ- წამყვანი პოზიცია უჭირავს. ბანკის მომხმარებლების 70% სოფლად მცხოვრებია, სადაც პოტენციურად კვალიფიციურ ფინანსურ მომსახურებაზე შეზღუდული წვდომაა. ფინკა ბანკი აქტიურად თანამშრომლობს სერვისის სხვა მომწოდებლებთან, რათა მომხმარებლებს ცხოვრების ხარისხის გაუმჯობესებისა და განვითარებისათვის სათანადო პროდუქტები და მომსახურება შესთავაზოს.

 შეღავათიანი აგროკრედიტით სარგებლობისთვის  შეგიძლიათ ეწვიოთ ფინკას ბანკის სერვის ცენტრებს საქართველოს 32 ქალაქში, შეავსოთ ელექტრონული განაცხადი ან დაგვირეკოთ *4949.

RUSTAVI