21 ოქტომბრიდან, ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო. 

ჯანდაცვის სამინისტროს ინფორმაციით, 200 000 დოზა ფრანგული წარმოების, სამკომპონენტიანი, (SANOFI WINTHROP INDUSTRIE-ის Vaxigrip) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ პრეკვალიფიცირებულ ვაქცინებს შორის.  

გრიპის საწინააღმდეგო ვაქცინაცია რეკომენდებულია ყველა ადამიანისთვის 6 თვის ასაკიდან, თუმცა, არსებობს ჯგუფები, რომელთათვისაც გრიპის მძიმე მიმდინარეობისა და გართულებების რისკი განსაკუთრებით მაღალია, ესენი არიან: 60 წლის და უფროსი ასაკის პირები, ორსულები, 6 თვიდან 5 წლამდე ასაკის ბავშვები, ქრონიკული დაავადებების მქონე პირები, ონკოლოგიური პაციენტები, სამედიცინო პერსონალი, ასევე ხანდაზმულთა თავშესაფრებისა და პანსიონატების ბენეფიციარები და თანამშრომლები.

ვაქცინაცია ყველა მოქალაქისთვის უფასოა და რუსთავში რამდენიმე ადგილზე შეძლებთ აცრას:

1. რუსთავის მედიცინის სახლი - N1 სამკურნალო დიაგნოსტიკური ცენტრი, მის: ოდიშარიას N19

2. N2 სამკურნალო-დიაგნოსტიკური ცენტრი, მის: მესხიშვილის 1ა

3. N1 პოლიკლინიკა, მის: გიორგაძის N6

4. კლინიკა რუსთავი, მის: ლომოურის N45.