2025-02-15 23:44:54
ბათუმში, ე.წ. "ოცნების ქალაქში" 5 და 7 წლის ბავშვები წყლით სავსე აკანალიზაციო ჭაში ჩავარდნენ და გარდაცვლილები ნახეს.
არსებული ინფორმაციით ბავშვები ტერიტორიაზე ჯართის შეგროვებით იყვნენ დაკავებულები.
ამ წუთებში ადგილზე მობილიზებულია კრიმინალური პოლიცია. უბედური შემთხვევის ადგილი ყვითელი ლენტით არის შემოსაზღვრული. მიმდინარეობს საგამოძიებო მოქმედებები.
უბედურ შემთხვევასთან დაკავშირებით ბათუმის მერია განცხადებას ავრცელებს - "უბედური შემთხვევა მოხდა ქალაქ ბათუმში, ფრ. ხალვაშის გამზირის #188-ის მიმდებარედ. წყლით სავსე თხრილში ორი არასრულწლოვანი ჩავარდა, საუბედუროდ, მათი გადარჩენა ვერ მოხერხდა.
სამძიმარს და თანადგომას ვუცხადებთ გარდაცვლილთა ოჯახებს ტრაგედიის ამ მძიმე წუთებში. მომხდარის დეტალებს დაადგენს აჭარის პოლიციის დეპარტამენტი დაწყებული გამოძიების ფარგლებში".
