რუსთავის მუნიციპალიტეტს სადარბაზოებისა და კორპუსის ფასადების რეაბილიტაციის პროგრამები აქვს.

პირველი პროგრამა "თანადაფინანსების პროგრამაა, რომლის ფარგლებშიც "რუსთავის კორპუსს" კორპუსის ამხანაგობასთან ერთად შეუძლია შემდეგი სამუშაოების ჩატარება:

1. შიდა წყალკანალიზაციის გაყვანილობის შეკეთება - "რუსთავის
კორპუსი" 100%-ით აფინანსებს

2. სადარბაზოს კარების დამზადება და მონტაჟი - ამხანაგობის
თანამონაწილეობა 10%-ია, რუსთავის კორპუსი ხარჯების 90%-ს ფარავს.

3. სადარბაზოს შიდა რემონტი - ამხანაგობის
თანამონაწილეობა 10%-ია, რუსთავის კორპუსი ხარჯების 90%-ს ფარავს. ამ პროგრამის ფარგლებში, თუკი კონკრეტულ სადარბაზოში სოციალურად დაუცველი ოჯახი ცხოვრობს, რომელთა სარეიტინგო ქულა 63 000-მდეა, რემონტისთვის საჭირო მათ წილ თანხას მუნიციპალიტეტი დაფარავს.

4. პანელოვან შენობებში სართულშუა ნაპრალების რეაბილიტაცია -  ამხანაგობის თანამონაწილეობა 10%-ია, რუსთავის კორპუსი ხარჯების 90%-ს ფარავს

5. სადარბაზოებში სართულის უჯრედზე სენსორული განათების მოწყობა (მაღალსართულიანი) - ამხანაგობის თანამონაწილეობა 30%-ია, რუსთავის კორპუსი ხარჯების 70%-ს ფარავს

6. სადარბაზოებში სართულის უჯრედზე სენსორული განათების მოწყობა (დაბალსართულიანი) - ამხანაგობის თანამონაწილეობა 10%-ია, რუსთავის კორპუსი ხარჯების 90%-ს ფარავს

7. კორპუსებში რკინა/ბეტონის კონსტრუქციის შეკეთება - ამხანაგობის თანამონაწილეობა 10%-ია, რუსთავის კორპუსი ხარჯების 90%-ს ფარავს

8. ლიფტების სამანქანოს მოწყობა - ამხანაგობის თანამონაწილეობა 0%-ია, რუსთავის კორპუსი ხარჯების 100%-ს ფარავს

9. კორპუსების ფასადების რეაბილიტაცია - ამხანაგობის თანამონაწილეობა 5%-ია, რუსთავის კორპუსი ხარჯების 95%-ს ფარავს

10. კორპუსის სარინერის მოწყობა - ამხანაგობის თანამონაწილეობა 10%-ია, რუსთავის კორპუსი ხარჯების 90%-ს ფარავს

11. კორპუსში დრენაჟის მოწყობა - ამხანაგობის თანამონაწილეობა 10%-ია, რუსთავის კორპუსი ხარჯების 90%-ს ფარავს

ააიპ "რუსთავის კორპუსს" აქვს კიდევ ერთი პროგრამა, "ინიციატივების ხელშეწყობა", რომლის ფარგლებშიც ამხანაგობას სამშენებლო მასალები გადაეცემა, ხოლო სამუშაოების შესრულებაზე თავად მოსახლეობამ უნდა იზრუნოს.