2024-09-05 23:49:03
რუსთავში, თოდრიას ქუჩაზე საპატრულო პოლიციამ ახალგაზრდა კაცი დააკავა. [ვიდეო/video]
"ინფო რუსთავის" ინფორმაციით, პატრულის ეკიპაჟის წევრებმა ბიჭი ეჭვის საფუძველზე შეამოწმეს და იარაღი აღმოუჩინეს.
სამართალდამცავებმა ახალგაზრდა ტაქსიდან აიყვანეს.
როგორც ტაქსის მძღოლმა საინფორმაციო სააგენტოს უამბო, ავტომობილში მას 4 მამაკაცი დაუჯდა და თბილისში წაყვანა სთხოვა.
"4 ბიჭი მოვიდა, ჩასხდნენ მანქანაში და მეუბნებოდნენ თბილისში წაგვიყვანეო. გამოიარა საპატრულო ეკიპაჟმა და მოატრიალა, ეჭვი მიიტანეს, შეამოწმეს და იარაღი ამოუღეს", - აცხადებს ტაქსის მძღოლი.
თოდრიას ქუჩაზე რამდენიმე საათის განმავლობაში საგამოძიებო მოქმედებები მიმდინარეობდა.
