გამოცდების ეროვნულმა ცენტრმა აბიტურიენტების საბოლოო შედეგების გამოქვეყნებაც დაასრულა.

უკვე ცნობილია, ვინ შეძლო სახელმწიფოსგან სწავლისთვის სრული დაფინანსების მოპოვება.

საინფორმაციო სააგენტო "ინფო რუსთავმა" დაფინანსებებთან დაკავშირებით შედეგების გამოქვეყნების პარალელურად ინფორმაცია თქვენ უკვე შემოგთავაზათ.

ახლა კი, შეგროვებული მონაცემების მიხედვით, გამოვყავით სკოლები რუსთავში, რომელთაც 100%-იანი გრანტის მქონე ყველაზე მეტი მოსწავლე ჰყავთ. 

აღმოჩნდა, რომ ზოგადსაგანმანათლებლო დაწესებულებებს შორის ყველაზე მეტი სრული დაფინანსების მქონე კურსდამთავრებულით 24-ე საჯარო სკოლა ლიდერობს. შემდეგ კი თანაბარი შედეგებით, პოზიციას რამდენიმე სკოლა ინაწილებს.

უმაღლეს სასწავლებელში სწავლისთვის 100%-იანი დაფინანსების მოპოვება N24 სკოლის 6-მა მოსწავლემ შეძლო, N2, N5, N21 და N28 სკოლებს კი 4-4 კურსდამთავრებული ჰყავთ სრული დაფინანსებით.

აღსანიშნავია, რომ მონაცემების შეგროვებისას რიგმა ზოგადსაგანმანათლებლო დაწესებულებებმა "ინფო რუსთავისთვის" ინფორმაციის მიწოდებისგან თავი შეიკავეს და სტატია მომზადებულია ჩვენს ხელთ არსებულ სტატისტიკაზე დაყრდნობით.