თურქეთში ავტოსაგზაო შემთხვევას ახალგაზრდა ქართველი ქალი ემსხვერპლა.

ინფორმაციას თურქული მედია ავრცელებს.

მათი ცნობით, ავარია გოლბაში-გაზიანტეპის მაგისტრალზე, სოფელი ჩატალაღაჩთან მოხდა.

ერთმანეთს ქართულ ნომრიანი მსუბუქი ავტომობილი და სატვირთო შეეჯახა. შეჯახების დროს დაიღუპა სამი ადამიანი, რომელთა შორისაც ერთ-ერთი ქართველი ქალია.

შემთხვევის ადგილზე მობილიზებული იყო საპატრულო და სასწრაფო დახმარების ეკიპაჟები.