2023-12-14 13:56:52
გუშინ, 13 დეკემბერს, რუმინეთში, ღუზაზე მდგომი გემიდან ქართველი მეზღვაური გადავარდა. მეზღვაურს ამ დრომდე ეძებენ.
ინფორმაციას რუმინული მედია ავრცელებს. გავრცელებული ცნობებით, მეზღვაური ღუზაზე მდგომი გემიდან გადავარდა და დინებამ იმდენად სწრაფად გაიტაცა, რომ მისი დახმარება ვერ შეძლეს.
მეზღვაურის ძებნა ამ დრომდე მიმდინარეობს შესაბამისი სამსახურების მიერ.
ქართველის გაუჩინარების შესახებ ინფორმაციას ადასტურებენ საზღვაო ტრანსპორტის სააგენტოშიც.
