თბილისის მოსწავლე-ახალგაზრდობის სასახლის სარკეებიან დარბაზში, რუსთავის მერიის ააიპ „სახელოვნებო გაერთიანებათა ცენტრის“ ორგანიზებითა და თბილისის მოსწავლე-ახალგაზრდობის ეროვნული სასახლის მხარდაჭერით, კლასიკური მუსიკის საღამო ჩატარდა.

ღონისძიებაში მონაწილეობას რუსთავის ოთხი სამუსიკო სკოლის: ხელოვნების, ფოლკლორის, ჯანსუღ კახიძის სახელობის #4, რევაზ ლაღიძის სახელობის #3  სკოლის მოსწავლეები იღებდნენ. ახალგაზრდებმა ქართველი და უცხოელი კომპოზიტორების, მათ შორის, გია ყანჩელის, ვაჟა აზარაშვილის, ბახის, ფერენც ლისტის, კლოდ დებიუსის, რახმანივოვის ცნობილი ნაწარმოებები შეასრულეს. პროექტის მიზანს კლასიკური მუსიკის პოპულარიზაცია წარმოადგენდა და მისი მონაწილეები ეროვნული სასახლის მადლობის  სიგელებით დააჯილდოვეს.