5 ივლისს, საქართველოში წიგნის მაღაზიათა ყველაზე დიდი ქსელის „ბიბლუსის“ ორგანიზებით, უპრეცედენტო მასშტაბის ლიტერატურული ტურნე იწყება. 

ღონისძიება, რომელიც 8 დიდ ქალაქს მოიცავს საქართველოს სხვადასხვა რაიონში, 5 ივლისს რუსთავით დაიწყება. 

რუსთავში ლიტერატურული ტურნე ჩატარდება რუსთავი მოლში. მის:შარტავას და ლომოურის ქუჩების კვეთა, ღონისძიება დაიწყება 16:00 საათზე.ტურნეს ფარგლებში დაგეგმილი შეხვედრების დროს ავტორები მკითხველს თავიანთ საავტორო წიგნებს წარუდგენენ.

რუსთავში მოწვეული ავტორები ზაალ სამადაშვილი და ვასო გულეური არიან. 

სპეციალურად პატარა სტუმრებისთვის სიურპრიზებსა და საჩუქრებს სათამაშოების მაღაზიათა ქსელი „პეპელა“ ამზადებს. „პეპელას“ წარმომადგენლები და ანიმატორები ყველა შეხვედრას დაესწრებიან და ბავშვებისთვის განსაკუთრებულ შოუს გამართავენ.