რუსთავში წყლის მიწოდება იზღუდება. ამის შესახებ განცხადებას "რუსთავის წყალი" ავრცელებს.

"კომპანია "რუსთავის წყალი" ხრამის სათავე ნაგებობაზე აუცილებელ ტექნიკურ სამუშაოებს ჩაატარებს.

სამუშაოებთან დაკავშირებით დღეს, 5 ივნისს, 23:00 საათიდან  6 ივნისისი დილის 07:00 საათამდე წყალმომარაგება შეუწყდება: რუსთავის მარჯვენა სანაპიროს და ჭყონდიდელის დასახლებას (ინტერნატები)

კომპანია "რუსთავის წყალი" ბოდიშს უხდის მომხმარებლებს დისკომფორტისთვის.

წყალმომარაგების შეზღუდვისა და აღდგენის შესახებ ინფორმაციას, კომპანია "რუსთავის წყალი" აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის 22 00 11 და ფეისბუქ გვერდის საშუალებით", - ნათქვამია განცხადებაში.