2023-03-14 20:08:45
კვიპროსში, 30 წლის ქართველმა კაცმა პარტნიორი ქალი სასტიკად მოკლა. [ვიდეო/video]
ინფორმაციას ადგილობრივი მედია ავრცელებს.
მათი ცნობით, ბერძნული პასპორტის მქონე ქართველმა კაცმა 28 წლის პარტნიორი ქალი ჯერ გააუპატიურა, შემდეგ დაახრჩო და კლდიდან ზღვაში გადააგდო.
ქალის სიკვდილის შესახებ სამართალდამცავებს თავად ქართველმა შეატყობინა. მან პოლიციას უთხრა, რომ უკრაინელი წარმოშობის ახალგაზრდა გოგო კლდიდან ფოტოს გადაღების დროს გადავარდა, თუმცა საპირისპიროს ამბობს ავტოფსიის შედეგები.
გარდაცვლილს დაზიანებები აღენიშნება ყელისა და ხელების არეში, რაც სავარაუდოდ დახრჩობის დროს უნდა მიეღო, გამოიკვეთა გაუპატიურების კვალიც.
ადგილობრივი მედიის ცნობით, ქართველი დანაშაულს არ აღიარებს.
