რუსთავის ბაზრობაზე წინასაახალწლო განწყობა უკვე იგრძნობა.

ნაძვისხეები, ნაძვისხის სათამაშოები და დეკორაციული ნივთები უკვე დახლებზეა გამოტანილი. გამყიდველების თქმით, წინასაახლწლო ხალხმრავლობა ჯერ არ შეინიშნება, თუმცა მყიდველების მატებას დღე-დღეზე ელოდებიან.

ბაზრობაზე ნაძვისხის ფასები 20 - დან 200 - ლარამდე მერყეობს.

ვინაიდან ასტროლოგიურად 2023 კურდღლის წელია, დახლებზე კურდღლებიც მრავლად არის წარმოდგენილი.

დეკორატიული კურდღლების ფასი 10 - დან 50 - ლარამდე მერყეობს.

სანათებისა და სხვა საახალწლო მოსართავების შეძენას კი საშუალოდ 20 ლარად შეძლებთ.