ბილაინმა ევრაზიაში სიდიდის მიხედვით ნომერ პირველ ტელეარხთან - Setanta Sports-თან ექსკლუზიური თანამშრომლობით აბონენტებს სპეციალური პაკეტი შესთავაზა.

შეთავაზებით სარგებლობისთვის, ბილაინის აბონენტებს აქვთ პაკეტების არჩევანი: Sport + 5GB – 12 ₾ და Sport + 20GB – 25 ₾.  გააქტიურებისთვის აბონენტი უნდა ეწვიოს ბილაინის სპეციალურ პლატფორმას, აირჩიოს სასურველი პაკეტი და მიუთითოს ტელეფონის ნომერი. პაკეტის შეძენისას, Setanta Sports-ის ანგარიშს უფასოდ გახსნით, რის შემდეგაც ერთი თვის განმავლობაში, გაქვთ წვდომა პლატფორმაზე განთავსებულ სპორტულ სრულ კონტენტზე და გერიცხებათ მობილური ინტერნეტი. პაკეტის ვადის ამოწურვის შემდეგ, შეთავაზების განახლება ანალოგიური გზით ხდება, გაუქმება კი ნებისმიერ დროს. Setanta Sports-ის ანგარიშის შექმნა და სპორტული კონტენტის ნახვა შესაძლებელია სხვადასხვა მოწყობილობით: ვებგვერდის, აპლიკაციის , Smart TV-ისა და Cast –ის მეშვეობით. ვებით ასევე შესაძლებელია ორი სხვადსხვა ლაივსტრიმის ყურება.

ბილაინმა ასევე შექმნა სპეციალური ინტერნეტ პაკეტი - 15 GB 12 ₾ ქართველის სპორტსმენების მხარდასაჭერად, რომლის გააქტიურება მნიშნველოვანი მატჩის წინ არის შესაძლებელი, რომლებიც ქართველი სპორტსმენების მონაწილეობით ტარდება.

Setanta Sports ციფრული გამოწერითი სერვისია, რომელიც ორიენტირებულია სპორტის ქომაგებისთვის, ექსკლუზიური და მრავალფეროვანი სპორტული კონტენტის მიწოდებაზე. შესაბამისად, ქომაგებს არ უწევთ სხვადასხვა საიტზე სპორტის ძებნა და ხილვა. Setanta Sports მომხმარებლებს სთავაზობს წვდომას ვიდეოების ვრცელ კატალოგზე და ცოცხალი ტრანსლაციების ფართო სპექტრზე, მათ შორის, უმნიშვნელოვანესი სპორტული შეჯიბრებების პირდაპირ სტრიმებზე (ფეხბურთი, კალათბურთი, ჩოგბურთი და სხვ.). Setanta Sport-ის მაყურებლებს შემდეგი ჩემპიონატებისა და სპორტული ღონისძიებების ხილვა შეუძლიათ: ინგლისის პრემიერ ლიგა, ლა ლიგა, სერია A, გერმანიის ბუნდესლიგა, საფრანგეთის ლიგა 1, ინგლისის, იტალიისა და გერმანიის სათასო მატჩები, შოტლანდიის პრემიერ ლიგა, ფორმულა 1, NBA, რაგბი TOP 14, UFC და NHL სპორტულ ღონისძიებების ყურება შეგიძლია ქართულ, ინგლისურ და უკრაინულ ენაზე.