ტემპერატურის მატებასთან ერთად, რუსთავში ქვეწარმავლებთან დაკავშირებით გამოძახებებმა იმატა. მაისის თვეში, მერიისა და ადგილობრივი ჯანდაცვის ცხელ ხაზებზე 12 შეტყობინება შევიდა.

ამის შესახებ "ინფო რუსთავს" ინფორმაცია რუსთავის საზოგადოებრივი ჯანმრთელობისა და უსფრთხო გარემოს უზრუნვლყოფის ცენტრიდან მიაწოდეს.

ცენტრის ხელმძღვანელის, დავით იშხნელის ინფორმაციით, შხამიანი ქვეწარმავალი არცერთ გამოძახებაზე არ დაფიქსირებულა, 6 შემთხვევაში კი დაფიქსირდა ცრუ გამოძახება. 

საინფორმაციო სააგენტო დაინტერესდა, ხომ არ არის რუსთავში გამოკვეთილი კონკრეტული უბნები, რომლებშიც ქვეწარმავლების დიდი რაოდენობაა. ცენტრის ხელმძღვანელის განცხადებით, ახალ რუსთავზე მეტად, შეტყობინებები ცხელ ხაზზე ძველი რუსთავიდან შედის.

ინფორმაციისთვის, ქვეწარმავლის აღმოჩენის შემთხვევაში, დარეკვა შეგიძლიათ მერიის ცხელ ხაზზე - 13 00 ან შეგიძლიათ დაუკავშირდეთ ჯანდაცვის ცენტრს ნომერზე - 28 74 75. ცენტრში აცხადებენ, რომ სამსახური შეტყობინებაზე რეაგირებას უწყვეტ რეჟიმში მოახდენს.