ბადრი ჯაფარიძე რუსთავისა და გარდაბნის ათი თემის მაჟორიტარობის კანდიდატი აღარ იქნება.
ამის შესახებ "ლელოს" ლიდერმა სპეციალურ ბრიფინგზე, ცოტა ხნის წინ განაცხადა.
ბადრი ჯაფარიძის განცხადებით, არჩევნებში მონაწილეობას აღარ მიიღებს, რადგან ქვეყანაში მიმდინარე რთული პროცესების გამო, არჩევნების ჩატარება მიზანშეწონილად არ მიაჩნია.
"რუსეთის აგრესიამ მთლიანად შეცვალა ვითარება ჩვენ რეგიონში და საქართველოში. რუსეთის ინტერვენციის შედეგად საგანგებო მდგომარეობა შეიქმნა და ახლა ჩვენს ქვეყანას ბევრი გამოწვევა აქვს უსაფრთხოების და ეკონომიკური თვალსაზრისით.
"ლელოს" რესურსი კონსოლიდირებულია იმაზე, რომ მაქსიმალური მხარდაჭერა გავუწიოთ ჩვენს უკრაინელ დებს და ძმებს. მე უკვე სამი დღეა, იმის შემდგომ რაც რუსეთი უკრაინაში შეიჭრა, შევაჩერე რუსთავში საარჩევნო კამპანია, სადაც აქტიური შეხვედრები მქონდა მოსახლეობასთან, სადაც ძალიან დიდი სითბო და მხარდაჭერა მივიღე, მაგრამ ამ ვითარებაში, როდესაც ჩვენი თანამოქალაქეები არიან უკიდურესად დაზაფრულები, საარჩევნო პროცესების წარმოება შეუძლებელია.
შესაბამისად, მე მივიღე გადაწყვეტილება შევაჩერო ჩემი მონაწილეობა რუსთავის შუალედურ არჩევნებში და მოვუწოდებ ხელისუფლებას, გადადოს 2 აპრილის არჩევნები, რადგან ასეთ მდგომარეობაში პრაქტიკულად, საგანგებო მდგომარეობაში შეუძლებელია ნორმალური საარჩევნო პროცესების წარმართვა.
ჩვენ კარგად გვესმის, რომ უკრაინაში წყდება საქართველოს თავისუფლების ბედიც. შესაბამისად, ყველა რესურსი, მათ შორის, სახელმწიფო რესურსი უნდა იყოს მობილიზებული უკრაინის დასახმარებლად და ჩვენ ყველამ მტკიცე პასუხი უნდა გავცეთ პუტინს და მის მარიონეტებს, რომლებიც მრავლად არიან სამწუხაროდ, საქართველოს ხელისუფლებაში", - განაცხადა ჯაფარიძემ.