2022-02-22 22:35:08
რუსთავში, კოსტავას გამზირზე ავტოსაგზაო შემთხვევა მოხდა.
საინფორმაციო სააგენტო "ინფო რუსთავის"ინფორმაციით, ერთმანეთს ორი ავტომობილი შეეჯახა, რა დროსაც ერთ-ერთი გზის სავალი ნაწილიდან გადავიდა, რამდენიმე ხეს შეეჯახა, აფეთქდა და ცეცხლი გაუჩნდა. აფეთქება, სავარაუდოდ, ავტომობილში მოთავსებული გაზის ბალონის გამო მოხდა.
როგორც "ინფო რუსთავს" ერთ-ერთმა თვითმხილველმა განუცხადა, ცეცხლმოკიდებული ავტომობილიდან მგზავრები თვითმხილველებმა გადმოიყვანეს.
ადგილზე მობილიზებულია სახანძრო-სამაშველო, სასწრაფო-სამედიცინო დახმარებისა და საპატრულო პოლიციის ეკიპაჟები.
