რუსთავში კორონავირუსის გავრცელების გამო 12 საბავშვო ბაგა-ბაღი დაიხურა.

ამის შესახებ ინფორმაციას ააიპ "ბაგა-ბაღების გაერთიანება" ავრცელებს.

"ქვეყანაში შექმნილი ახალი კორონავირუსით (COVID-19) გამოწვეული რთული ეპიდემიოლოგიური  მდგომარეობიდან გამომდინარე ა.(ა).ი.პ. „ქალაქ რუსთავის საბავშვო ბაგა-ბაღების გაერთიანების“ 12 ფილიალში დღეის მდგომარეობით  სრულად შეჩერებულია სასწავლო-სააღმზრდელო პროცესი, ხოლო 10 ფილიალში დახურულია სააღმზრდელო ჯგუფების ნაწილი.  ჯამში 92 სააღმზრდელო ჯგუფი. ფილიალებში  დასაქმებულ 72 პირს ლაბორატორიულად დაუდასტურდა  SARS-CoV-2 ინფექცია, ინფიცირებულთან კონტაქტის გამო თვითიზოლაციაში იმყოფება 200-მდე თანამშრომელი.

დაინფიცირდა ის კონტიგენტიც,რომლებსაც კონტაქტი აქვთ ,როგორც ფილიალის თანამშრომლებთან,ასევე აღსაზრდელებთან. დიდია აღსაზრდელების დაინფიცირების რისკი. მკვეთრად შემცირებული ადამიანური რესურსი  თავისთავად შეუძლებელს ხდის   საბავშვო ბაგა- ბაღების  ფუნქციონირებას.  ასევე მკვეთრადაა შემცირებული აღსაზრდელთა დასწრების დღიური მაჩვენებელი, რაც აღსაზრდელთა სრული რაოდენობის 10%-12%-ს არ აღმატება.(ჩარიცხული 6182-დან, სასწავლო-სააღმზრდელო პროცესს ესწრება საშუალოდ 600 აღსაზრდელი).

ზემოაღნიშნულიდან გამომდინარე და ახალი კორონავირუსის COVID-19-ის შესაძლო შემთხვევების გავრცელების პრევენციის მიზნით,ფილიალების ხელმძღვანელებთან შეთანხმებით, მიზანშეწონილად მიგვაჩნია ა.(ა).ი.პ. „ქალაქ რუსთავის საბავშვო ბაგა-ბაღების გაერთიანების“ ფილიალებში შეჩერდეს სასწავლო-სააღმზრდელო პროცესი 2022 წლის 3 თებერვლიდან 2022 წლის 15 თებერვლამდე",- აცხადებენ ბაგა-ბაღების გაერთიანებასი.