2021-11-23 17:51:35
რესპუბლიკის მოედნიდან თავისუფლების მოედნამდე ცოცხალი ჯაჭვი შეიკრა.
მოქალაქეები ვარდების რევოლუციის 18 წლის თავს აღნიშნავენ.
მათმა ნაწილმა მსვლელობა რესპუბლიკის მოედნიდან დაიწყო, ნაწილმა - თავისუფლების მოედნიდან.
მათ ხელში, სიმბოლურად, ვარდები უჭირავთ.
თავისუფლების მოედნიდან რესპუბლიკის მოედნამდე საავტომობილო გზაზე მოძრაობა თავისუფალია. ადგილზე მობილიზებულია საპატრულო პოლიცია.
18 წლის წინ, 2003 წლის 23 ნოემბერს ქვეყანაში ვარდების რევოლუცია მოხდა.
