2021-10-08 15:29:53
რუსთავის N12 პენიტენციურ დაწესებულებასთან პოლიციასა და აქტივისტებს შორის დაპირისპირება მოხდა. დაპირისპირებისას რამდენიმე აქტივისტი დააკავეს.
დაკავებას წინ უძღოდა წინასწარი სიტყვიერი დაპირისპირება სამოქალაქო აქტივისტებსა და პოლიციელს შორის.
აქტივისტების ინფორმაციით, დაკავებულები არიან - "ნაციონალური მოძრაობის" წევრი ზვიად კუპრავა, ასევე ლაშა ცუცქირიძე და ჯიმი დელიბაშვილი.
სამოქალაქო აქტივისტები ცდილობდნენ წითელი საღებავით კედლებზე წარწერების გაკეთებას- “თავისუფლება მიშას”, თუმცა მათ ამის საშუალებას პოლიციამ არ მისცა.
ადგილზე ერთ-ერთი აქტივისტი შეუძლოდ გახდა. ციხის მიმდებარედ გამოიძახეს სასწრაფო დახმარების ეკიპაჟიც.
