რუსთავში, ცურტაველის ქუჩაზე არსებულ მინდორში მამაკაცი უგონო მდგომარეობაში ნახეს.

"ინფო რუსთავის" ინფორმაციით, კაცი მწყემსმა იპოვა და ადგილზე სასწრაფო-სამედიცინო დახმარების ეკიპაჟი გამოიძახა.

პირველადი დათვალიერებით, მამაკაცს ზედაპირული დაზიანებები არ აღენიშნებოდა, ის სასწრაფო დახმარების ეკიპაჟმა სამედიცინო დაწესებულებაში გადაიყვანა.

შემთხვევის ადგილზე მობილიზებული იყო საპატრულო და კრიმინალური პოლიცია.