გასული 2 თვის განმავლობაში, რუსთავში უკანონო მშენებლობის 5 ფაქტი გამოვლინდა, აქედან ერთ-ერთი საწარმოა.
როგორც რუსთავის მერიის ზედამხედველობის სამსახურში აცხადებენ, 3 შემთხვევაში ფიზიკური, 2 შემთხვევაში კი იურიდიული პირი ეწეოდა უნებართვო მშენებლობას.
სამართალდამრღვევები 6 000 ლარით დაჯარიმდნენ.
მერიის ზედამხედველობის სამსახურის ინფორმაციით, გასულ 2 თვეში, გამოვლინდა საწარმოს უნებართვოდ აშენების ფაქტიც.
"ერთი შენობა-ნაგებობა იყო მასშტაბური. ქარხანაა ეს ფაქტიურად, რომლის მშენებლობაც მიმდინარეობდა საწარმოო ზონაში. ჯარიმის საფუძველზე, მშენებლობა კანონის ფარლებში მოაქციეს. დემონტაჟი არ განხორციელებულა", - განუცხადეს "ინფო რუსთავს" ზედამხედველობის სამსახურში.
შეგახსენებთ, რომ უნებართვო მშენებლობა ადმინისტრაციული სამართალდარღვევაა და ფიზიკური თუ იურიდიული პირის დაჯარიმებას ექვემდებარება. ჯარიმის ოდენობა 6 000 ლარითაა განსაზღვრული.
რუსთავში უკანონო მშენებლობების შემოწმებას, მერიის ზედამხედველობის სამსახურის თანამშრომლები ახორციელებენ.
ფოტო არ ასახავს რეალობას