შაბათს 1 მაისს, წმინდა ცეცხლის გადმოსვლის რიტუალზე დასწრება ქრისტეს აღდგომის ტაძარში მხოლოდ ვაქცინირებულ პირებს შეეძლებათ.

ამის შესახებ განცხადება იერუსალიმის საპატრიაქროს ვებგვერდზე გავრცელდა.

განცხადების მიხედვით, ტაძარში შეშვება 09:00-დან 10:00-საათამდე შუალედში დაიწყება და მისულებს ვაქცინაციის დამადასტურებელი სპეციალური დოკუმენტის წარდგენა მოუწევთ.

არავაქცინირებული პირებისთვის კი წმინდა კონსტანტინესა და ელენეს ტაძრის ეზოში ადგილი გამოიყოფა.