2021-04-04 15:01:30
ლილოს დასახლებაში, ბინაში გაზის აფეთქებას მსხვერპლი მოჰყვა.
გარდაცვლილი 65 წლის ქალია, რომელმაც აფეთქების შედეგად მძიმე დაზიანებები მიიღო და მისი გადარჩენა ვერ მოხერხდა.
როგორც "ინფო რუსთავს" შსს-ს საგანგებო სიტუაციების მართვის სამსახურში განუცხადეს, ადგილზე მობილიზებულია სახანძრო-სამაშველო სამსახური ეკიპაჟი.
მაშველებმა უსაფრთხოების მიზნით სადარბაზოდან მოსახლეობის ევაკუირება განახორციელეს.
