ვირუსის დადებითობის მაჩვენებელი რუსთავში ჯერჯერობით 4%-ზე მეტია - ამის შესახებ “ინფო რუსთავს” ქალაქის საზოგადოებრივი ჯანმრთელობისა და უსაფრთხო გარემოს უზრუნველყოფის ცენტრის ხელმძღვანელმა დავით ბეგაშვილმა განუცხადა.
ბეგაშვილის ინფორმაციით, დადასტურებ შემთხვევათა კლების დინამიკა ქალაქში შეინიშნება, თუმცა, ჯერჯერობით დადებითობის მაჩვენებელი 4%-ზე მეტია.
როგორც საზოგადოებრივი ჯანმრთელობისა და უსაფრთხო გარემოს უზრუნველყოფის ცენტრის ხელმძღვანელმა საინფორმაციო სააგენტოს განუცხადა, აღნიშნული მაჩვენებელი ყოველკვირეულად გამოითვლება.
შეგახსენებთ, პრემიერ-მინისტრ გიორგი გახარიას განცხადებით, 15 თებერვლისთვის ეპიდემიოლოგიური ვითარება შეფასდება და 7 დღის დადებითობის საშუალო მაჩვენებლის 4%-მდე შემცირების შემთხვევაში, შეზღუდვები, რომელთა შემსუბუქებაც რუსთავს არ შეეხო, დადგენილ დროზე ადრე მოიხსნება.