„ეროვნული დემოკრატიული ინსტიტუტის“ (NDI) გამოკითხვის მიხედვით, მოსახლეობის 46%-ს ჯანდაცვის სისტემის წინაშე მდგარ ყველაზე დიდ პრობლემად წამლების საფასური მიაჩნია.

შეკითხვაზე „თქვენი აზრით, რა არის ამჟამად ჯანდაცვის სისტემის წინაშე მდგარი ყველაზე დიდი პრობლემა?“

გამოკითხულთა 46% წამლების საფასურს ასახლებს;

25% – პანდემიის სხვადასხვა გამოწვევებს;

16% – საავადმყოფოების ხელმისაწვდომობას კორონავირუსთან მიმართებით;

14% – ექიმების და სამედიცინო პერსონალის პროფეხიონალიზმის ნაკლებობას’

13% – საავადმყოფოების და სამედიცინო მოსახურების ხელმისაწვდომობას;

13% – სამედიცინო მომსახურების/ექიმთან ვიზიტის საფასურს;

12% – ექიმების ხელმისაწვდომობას კორონავირუსთან დაკავშირებით;

9% კი ამბობს, რომ ჯანდაცვის სისტემაში პრობლემები არ არის.

„ეროვნული დემოკრატიული ინსტიტუტი“ (NDI) საქართველოში საზოგადოებრივი განწყობის კვლევას აქვეყნებს.

კვლევა დაფუძნებულია 2020 წლის დეკემბრის სატელეფონო გამოკითხვის შედეგებზე, ჩატარებულია NDI-ის დაკვეთით CRRC საქართველოს მიერ. საველე სამუშაოები ჩატარდა 17-24 დეკემბერს.

NDI-ის ინფორმაციით, სატელეფონო ინტერვიუსთვის რესპონდენტები შემთხვევით ნომერზე დარეკვის მეთოდით შეირჩნენ. ინტერვიუები ჩატარდა ქართულ, აზერბაიჯანულ და სომხურ ენებზე – სულ 2053 დასრულებული ინტერვიუ.

კვლევა საქართველოს მთლიანი მოსახლეობის წარმომადგენლობითია (ოკუპირებული ტერიტორიების გამოკლებით), ასევე კვლევა წარმომადგენლობითია თბილისის, ურბანული და სოფლის ტიპის დასახლებებისთვის.

კვლევის საშუალო ცდომილების ზღვარია +/- 1.1%