ალკოჰოლური ზედოზირება რუსთავში

2021-01-06 00:07:28

კლინიკა რუსთავში ალკოჰოლური ზედოზირებით 4 პაციენტი მოათავსეს.

როგორც "ინფო რუსთავს" სამედიცინო დაწესებულებაში განუცხადეს, სადღესასწაულო დღეებში, ალკოჰოლის ჭარბად მიღების გამო გამოწვეული ინტოქსიკაციით, საავადმყოფოში 3 ქალი და 1 მამაკაცი შეიყვანეს. პაციენტების ასაკი 35-დან 45 წლამდე მერყეობს.

"ინფო რუსთავის" ინფორმაციით, ერთ-ერთ ქალბატონს მიყენებული ჰქონდა ფიზიკური შეურაცხყოფა.

"კლინიკა რუსთავში" საინფორმაციო სააგენტოს განუცხადეს, რომ პაციენტებისთვის შესაბამისი სამედიცინო დახმარება იქნა აღმოჩენილი და უკვე ბინაზე, დამაკმაყოფილებელ მდგომარეობაში გაეწერნენ.

სამედიცინო დაწესებულებაში დაფიქსირდა საკვებით ინტოქსიკაციის ფაქტიც.

ავტორი

თამუნა გაჩეჩილაძე

ნახე ავტორის სხვა სიახლეები
RUSTAVI