რუსთავში, გასული 24 საათის განმავლობაში, კორონავირუსული ინფექციის 25 ახალი შემთხვევა გამოვლინდა.

აქედან ინფიცირების 12 შემთხვევა დადასტურდა N2 დიაგნოსტიკურ ცენტრში. ცენტრის დირექტორის მოადგილის, რუსუდან ადამიას განცხადებით, ყველა პაციენტი რუსთაველია.

8 ახალი შემთხვევა დადასტურდა რუსთავის ცენტრალურ საავადმყოფოში განთავსებულ ცხელების ზონაში. სამედიცინო დაწესებულების ეპიდემიოლოგის, მაია რაზმაძის თქმით, პაციენტები 20-დან 70 წლამდე ასაკობრივ კატეგორიაში მერყეობენ და ყველა მათგანი მკურნალობის კურსის გასავლელად საავადმყოფოს კოვიდის მიმღებ განყოფილებაში რჩება.

კოვიდ19-ის 5 ახალი შემთხვევა დაფიქსირდა კლინიკა "რუსთავში" განთავსებულ ცხელების ზონაში. კლინიკაში აცხადებენ, რომ ლაბორატორიულ კვლევაზე 25 პირის ბიოლოგიური მასალა იყო გაგზავნილი.

როგორც სამედიცინო დაწესებულებებში ამბობენ, ვირუსით ინფიცირებულთა მონაცემები დღის განმავლობაში კიდევ შეიცვლება.