რუსთავში უნებართვო მშენებლობაზე ჯარიმა გაიზარდა.

რუსთავის მერიის ზედამხედველობის სამსახურის ინფორმაციით, მუნიციპალიტეტის ტერიტორიაზე მშენებლობასთან დაკავშირებული რეგულაციების დარღვევისთვის დადგენილი სანქციები კიდევ უფრო გამკაცრდა. კანონის მიხედვით, საჯარიმო თანხა 3 000 ლარიდან 6 000 ლარამდე გაიზარდა.

როგორც ინფო რუსთავს რუსთავის მერიის ზედამხედველობის სამსახურში განუცხადეს, ბოლო 3 თვის განმავლობაში ქალაქის ადმინისტრაციულ საზღვრებში უნებართვო მშენებლობისთვის ერთ ფიზიკურ პირს 6 000 ლარიანი ჯარიმა დაეკისრა, ასევე 6 000 ლარით დაჯარიმდა ერთ-ერთი შეზღუდული პასუხისმგებლობის კომპანია.