ქვემო ქართლში ინფიცირებულთა რიცხვი გაიზარდა

2020-05-29 12:49:46

ქვემო ქართლში კოვიდიფიცირებულთა რიცხვი 2-ით გაიზარდა.

ორივე შემთხვევა ბოლნისის მუნიციპალიტეტს უკავშირდება. ამის შესახებ ინფორმაცია ინფექციური საავადმყოფოს კლინიკურმა დირექტორმა, მარინა ეზუგბაიამ, გაავრცელა.

ამ დროისთვის ქვემო ქართლის მხარეში ყველაზე მეტი ინფიცირებული სწორედ ბოლნისშია, მათი რიცხვი 165-ია, გამოჯანმრთელებულია 76 და გარდაცვლილია 3.

თეთრიწყაროშია 55 დადასტურებული კოვიდინფიცირება და მათგან 34-ია გამოჯანმრთელებული.

მარნეულშია 25 ინფიცირება და მათ შორის 23-ია გამოჯანმრთელებული.

ხოლო რუსთავში მხოლოდ 9 დადასტურებული შემთხვევა იყო და ამ დროისთვის ყველა მათგანი გამოჯანმრთელებულია.

RUSTAVI