2020-04-30 21:11:13
რუსეთის პრემიერ-მინისტრს მიხეილ მიშუსტინს კორონავირუსი დაუდგინდა.
რუსული საინფორმაციო სააგენტოების ცნობით, ამის შესახებ პრემიერ მინისტრმა პრეზიდენტ ვლადიმერ პუტინს უკვე აცნობა.
მიშუსტინმა აღნიშნა, რომ იგი ემორჩილებოდა თვითიზოლაციის რეჟიმს. ამ პერიოდისთვის მან თანამდებობა დროებით დატოვა და თავის პოზიციაზე ანდრეი ბელუსოვის კანდიდატურა განიხილა.
პუტინმა მიშუსტინს სწრაფად გამოჯანმრთელება უსურვა და თქვა, რომ იგი ეთანხმება მის წინადადებას ბელუსოვის დროებითი პრემიერ-მინისტრად დანიშვნის შესახებ. შესაბამისი ბრძანებულება უკვე გაფორმებულია.
