რუსთავში, ლეონიძის ქუჩაზე, ერთ-ერთ საცხოვრებელ კორპუსში, წყლის გამაცხელებელი მილი დაზიანდა.

"ინფო რუსთავს" ადგილობრივებმა განუცხადეს, რომ  წყლის გამაცხელებელი ერთ-ერთი საცხოვრებელი სახლის აივანზე იყო დამონტაჟებული. მათი ინფორმაციით, მილი, ძლიერი ყინვის გამო გაიყინა. წყლის გამაცხელებელის ჩართვის შემდეგ, მილი გასკდა.

ადგილზე მობილიზებული იყო სახანძრო-სამაშველო სამსახურისა და საპატრულო პოლიციის ეკიპაჟები.

შემთხვევის ადგილზე იმყოფებოდნენ კომპანია "სოკარ ჯორჯია გაზის" წარმომადგენლები.