2019-12-28 16:26:58
ავტოსაგზაო შემთხვევა მოხდა რუსთავში, თოდრიას ქუჩაზე.
"ინფო რუსთავის" ინფორმაციით, მსუბუქი ავტომობილი მოზარდს დაეჯახა.
11 წლის ბიჭი სასწრაფო-სამედიცინო დახმარების ეკიპაჟმა რუსთავის ცენტრალურ საავადმყოფოში გადაიყვანა.
როგორც სამედიცინო დაწესებულების მორიგე ექიმმა, ნათია მაზანიშვილმა განაცხადა, პაციენტის მდგომარეობა ამ დროისთვის სტაბილურია და უტარდება შესაბამისი სამედიცინო კვლევები.
ადგილზე მობილიზებული იყო სასწრაფო-სამედიცინო დახმარებისა და საპატრულო პოლიციის ეკიპაჟები.
