რუსთავში, XX და XXI მიკრო-რაიონებში ბუნებრივი აირის მიწოდება შეიზღუდა.
ბუნებრივი აირის შეზღუდვის მიზეზი ავტოსაგზაო შემთხვევა გახდა. "ინფო რუსთავი"-ს ინფორმაციით გვიან ღამით ბუნებრივი აირის მილს, რომელიც კორპუსებს შორის გადიოდა, სატვირთო ავტომობილი გამოედო და მთლიანად მოგლიჯა.
დაზიანებული მილიდან გაზი გამოდიოდა, რომ არ მომხდარიყო აფეთქება, ადგილზე გამოიძახეს სახანძრო-სამაშველო და სოკარ-გაზის ეკიპაჟები. პირველ ეტაპზე ურდულებიდან მოხდა ბუნებრივი აირის გადაკეტვა.
"ინფო რუსთავს" კომპანია სოკარ გაზში განუცხადეს რომ მილის აღდგენითი სამუშაოები დაწყებულია და ბუნებრივი აირის მიწოდება აბონენტებს საღამოთი აღუდგებათ.