რუსთავში, სოციალურ კაფე “კაფუნეში” თანამედროვე მუსიკის საღამო “Impulse Sunday” გაიმართა.
საღამო ახალგაზრდული გაერთიანება “იმპულსის” ორგანიზებით მოეწყო და შეზღუდული შესაძლებლობის მქონე ახალგაზრდების თანატოლებთან ინტეგრაციის ხელშეწყობას ისახავდა მიზნად.
ღინისძიებას მუსიკალურად “კაფუნეში” TSOTNE&LUKA, RUKARTI და ჟირაფი აფორმებდნენ. ასევე საღამოზე მიწვეულები იყვნენ ელექტრონული მუსიკის შემსრულებლები nickb Live და guri.
თანამედროვე მუსიკის საღამოზე დასწრება 16 წლის ზევით ნებისმიერი მსურველისთვის თავისუფალი გახლდათ.