კარფური რუსთავში 6 მილიონი დოლარის ინვესტიციას განახორციელებს. ობიექტის მშენებლობა პროექტის დამტკიცებიდან მალევე დაიწყება და სავარაუდოდ 2 წელში დასრულდება. რაც შეეხება დასაქმებულების რაოდენობას, კომპანია ჰიპერმარკეტში 200-მდე ადამიანს დაასაქმებს. კარფური სავარაუდოდ 10 000 მ² მიწის ფართზე განთავსდება, შენობა იქნება ერთსართულიანი, ცენტრს ექნება გარე და შიდა პარკინგი, ქსელში განთავსდება სხვადასხვა ცნობილი ბრენდები. სავაჭრო ობიექტი რუსთავში, შარტავას გამზირზე, ავეჯის მაღაზია "ემბავუდი"-ს გვერდით აშენდება.

"საბჭომ განიხილა აღნიშნული პროექტი, დავადგინეთ დეტალები, ამჯერად მოცულობის დასაზუსტებლად პროექტი ინფრასტრუქტურის სამინისტროში არის გადაგზავნილი", - განაცხადა "ინფო რუსთავთან" რუსთავის მერის მოადგილემ ბესო ტოგონიძემ.