რუსთავში, იაკობ  გოგებაშვილის ქუჩაზე, ახალი საცხოვრებელი კორპუსი აშენდება. კომპანია Georgian Building Group ქალაქში 4 მილიონიან ინვესტიციას განახორციელებს.

თანამედროვე სტანდარტების საცხოვრებელი კორპუსი 4-სართულიანი იქნება და მასში 52 ბინა განთავსდება. ტერიტორიაზე მოეწყობა რეკრეაციული ზონა და საბავშვო მოედნები. კორსუსს ექნება მიწისქვეშა ავტოსადგომიც. კომპანია GBG  მშენებლობაზე 50-მდე ადგილობრივ კადრს დაასაქმებს.

პროექტის პრეზენტაციას ადგილობრივი თვითმმართველობის წარმომადგენლები დაესწრნენ. საცხოვრებელი კომპლექსის საძირკველში სიმბოლური კაფსულა ქვემო ქართლის გუბერატორმა გრიგოლ ნემსაძემ და რუსთავის საკრებულოს თავმჯდომარემ ლევან ონიანმა ჩადეს.

Georgian Building Group-ი მომხმარებლებს ხელმისაწვდომ ფასებსა და განვადების მარტივ სისტემას სთავაზობს. ნახეთ ვიდეო.

ავტორი: ირმა კურტანიძე