როგორ ფერებში მოვრთოთ სახლი

2026 წელი ჩინური ჰოროსკოპის მიხედვით, წითელი ცეცხლოვანი ცხენის წელია. ამიტომ, ასტროლოგები გვირჩევენ, ამ წელს, რაც შეიძლება, დიდი დატვირთვით გამოვიყენოთ წითელი, ბორდოსფერი, ნარინჯისფერი და ოქროსფერი ფერები, როგორც ინტერიერში, ასევე სუფრაზე. მეტიც, თუ გსურს, ეს წელი შენთვის იღბლიანი იყოს, აჯობებს, 31 დეკემბერს თავადაც ამ ფერებში გამოწყობილი შეხვდე 12 საათს. 

წინასწარ დაიჭირე თადარიგი და შეიძინე წითელი ცეცხლოვანი ცხენის ფერებში გადაწყვეტილი საახალწლო დეკორაციები, რომ დამდეგს ბედნიერება დაგებედოს. 

როგორ შევარჩიოთ საახალწლო დეკორაციები

ამ წელს განსაკუთრებით აქტუალურია მასიური ოქროსფერი ბურთები და შანდლები, დიდი, წითელი ბარხატის ბაფთები. მათი დამაგრება ნაძვის ხეზეც შეგიძლია, კედელზეც და ფარდებზეც. ალბათ, შეამჩნევდი, რომ მაღაზიების დახლებზეც ძირითადად ამ ტიპის დეკორაციებია წარმოდგენილი. ეს, ერთი შეხედვით, მარტივი ფორმები კლასიკური ნაძვის ხის მოსართავებია და ოთახს მდიდრულ ეფექტს სძენს. მათ ინტერიერში საზეიმო განწყობა შემოაქვთ. 

კრეატიული იდეები სახლის მოსართავად

თუ სიმკვეთრე და სიბრჭყვიალე შენს გემოვნებაში არ ჯდება, შეგიძლია, სადა, ბუნებრივი დეკორაციები აარჩიო. ამ წლის კიდევ ერთი ტრენდია მინიმალისტურ სტილში გადაწყვეტილი ინტერიერი. შეგიძლია, ოთახში ხელოვნურის ნაცვლად, ბუნებრივი ნაძვი დადგა, რომელსაც შემდგომ ქოთანში გადარგავ და გაახარებ. სათამაშოების მაგივრად, ნაძვის ხეზე მხოლოდ განათებები დაკიდე. სახლის მოსართავადაც წიწვები, გამომშრალი ხილი, დარიჩინის ჩხირები შეგიძლია გამოიყენო. ეს ორიგინალური იდეა შენს სახლს ნამდვილად განსაკუთრებულ იერსახეს მისცემს. 

ულტრათანამედროვე დეკორაციები

თუ შენი სახლის ინტერიერი მოდერნულ სტილშია გადაწყვეტილი, შეგიძლია, დეკორაციებიც შესაბამისი შეუხამო. მაგალითად, მეტალის სათამაშოები, ვერცხლისფერი, ცისფერი და თეთრი სუვენირები. LED ნათურების დახმარებით, ოთახში საზეიმო განწყობას შეიტან. 

ვინტაჟური ახალი წელი

2026 წელი იდეალურ შესაძლებლობას აძლევს მათ, ვინც ვინტაჟური სტილის მოტრფიალეა, სახლი ძველებური სათამაშოებით მორთონ. გამოიტანე შენი ბავშვობის სათამაშოები. არ იღელვო იმაზე, რომ თანამედროვე დეკორაციებს შეიძლება ნაკლებად მოუხდეს. ახალი წელი ჭრელი და ქაოტურია, განსაკუთრებით წელს, როცა მთავარი სიმბოლო, ცეცხლოვანი, დინამიკური და მჩქეფარე ცხენია. ასე რომ, ნუ შეგეშინდება ექსპერიმენტების. 

შეჯამება

როგორც ხედავ, წელს ერთმანეთისგან აბსოლუტურად განსხვავებული ტენდენციებია საახალწლო ინტერიერის დიზაინში. დაფიქრდი, რომელი მოგწონს მათგან ყველაზე მეტად. მთავარია, შენ რა გაგახალისებს და შეგიქმნის განწყობას.  იმედია, ჩვენი რჩევები შთაგონების პოვნაში დაგეხმარა. ჩვენ კი ბედნიერ შობა-ახალ წელს გისურვებთ!