2025-12-03 16:36:15
ოქტომბრის თვეში რუსთავში განხორციელებული ინსპექციის ფარგლებში სურსათის ეროვნულმა სამსახურმა ერთ-ერთ ხორცის პროდუქტების მაღაზიაში კრიტიკული შეუსაბამობა აღმოაჩინა.
ამის შესახებ საინფორმაციო სააგენტო "ინფო რუსთავს" ინფორმაცია სურსათის უვნებლობის ქვემო ქართლის რეგიონული სამმართველოს ხელმძღვანელმა, მირანგულა ლიპარტელიანმა მიაწოდა.
სეს-ის თანამშრომლებმა ობიექტი 1000 ლარით დააჯარიმა და დახურა. სააგენტო თავს იკავებს ობიექტის დასახელებისგან.
როგორც მირანგულა ლიპარტელიანმა გვითხრა, ობიექტმა დარღვევა გამოასწორა და ახლა ჩვეულ რეჟიმში განაგრძობს ფუნქციონირებას.
