2025-10-04 17:05:27
რუსთაველის გამზირზე გზა უკვე გადაკეტილია. დაანონსებულ აქციაზე, რომელიც უკვე დაიწყო, მოქალაქეები ამ წუთებშიც იკრიბებიან. აქციის მონაწილეები იმყოფებიან პარლამენტის წინ, რუსთაველის გამზირზე.
პარალელურად აქციის მონაწილეები შეიკრიბებიან თავისუფლების მოედანზე, წმინდა გიორგის ძეგლთან, სადაც სცენა იქნება განთავსებული.
ცნობისთვის, დღეს, 4 ოქტომბერს რუსთაველის გამზირზე საპროტესტო აქციაა დაგეგმილი. ასევე დაგეგმილია, სტუდენტების საპროტესტო მსვლელობა.
რუსთაველის გამზირზე საპროტესტო აქცია 311 დღეა მიმდინარეობს. მოქალაქეები ითხოვენ, დაინიშნოს ახალი არჩევნები და გათავისუფლდნენ აქციების პერიოდში დაკავებული პირები.
