სურამთან ავტოსაგზაო შემთხვევა მოხდა.

არსებული ინფორმაციით, ავარიაში ექსკურსიის მიკროავტობუსი მოყვა.

შემთხვევის დროს 7 მოსწავლე დაშავდა და ისინი სასწრაფო დახმარების ეკიპაჟმა ხაშურის სამედიცინო დაწესებულებაში გადაიყვანა.

როგორც საინფორმაციო სააგენტო "ინფო რუსთავს" შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 276-ე მუხლის მე-2 ნაწილით მიმდინარეობს.