2024-12-24 13:54:01
თურქეთში, ასაფეთქებელი ნივთიერებების საწარმოში აფეთქებას, სულ მცირე, 12 ადამიანი ემსხვერპლა.
ამის შესახებ ინფორმაციას ადგილობრივი მედიაზე დაყრდნობით Reuters-ი ავრცელებს.
ადგილობრივი მედიის ცნობით, აფეთქება ბალიქესირის პროვინციაში მდებარე საწარმოში მოხდა, რის შედეგადაც, სულ მცირე, 12 ადამიანი დაიღუპა და 3 დაშავდა.
ბალიქესირის პროვინციის გუბერნატორის, ისმაილ უსტაოღლუს განცხადებით, აფეთქების შედეგად საწარმოს ნაწილი ჩამოინგრა.
