ქუთაისში ნაძვის ხე საპროტესტო აქციის ფონზე აინთო.

მოქალაქეებს ცენტრალურ მოედანზე რუსთაველის გამზირზე ნაცემი ადამიანების ფოტოები აქვთ მიტანილი. ისმის საყვირებისა და შეძახილების ხმა.

ადგილზე მოხდა ფიზიკური დაპირისპირებაც.

ცენტრალურ მოედანზე, სადაც მოქალაქეები პროტესტის ნიშნად შეიკრიბნენ, უნივერსიტეტის პროფესორი და პარლამენტის ყოფილი დეპუტატი, ომარ ნიშნიანიძე იმყოფებოდა, რომელსაც მისმა სტუდენტმა უთხრა, რომ ახლა ზეიმის დრო არ იყო და ღონისძიებაზე არ უნდა ყოფილიყო, რასაც პროტესტის მონაწილეებსა და ნაძვის ხის ანთების ღონისძიებაზე მისულ პირებს შორის ჯერ სიტყვიერი, შემდეგ კი ფიზიკური დაპირისპირება მოჰყვა.