თუკი თქვენს სადარბაზოს სარეაბილიტაციო სამუშაოების ჩატარება სჭირდება, ამისთვის რუსთავის მერიის (ა)იპ "რუსთავის კორპუსის" სამსახურს უნდა მიმართოთ, სადაც რეაბილიტაციისთვის 2 პროგრამა მოქმედებს.

პირველი "ინიციატივების პროგრამაა", რომლის ფარგლებშიც მოსახლეობას სამშენებლო მასალები გადაეცემა, ხოლო სამუშაოების შესრულებაზე თავად მოსახლეობამ უნდა იზრუნოს.

მეორე "თანადაფინანსების პროგრამაა",ამ დროს სადარბაზოს რემონტისთვის მუნიციპალიტეტი 90%-იან წილში შედის, ხოლო დარჩენილ 10% ბინათმესაკუთრეთა ამხანაგობა იხდის.

როგორც საინფორმაციო სააგენტო "ინფო რუსთავს" "რუსთავის კორპუსში" განუცხადეს, ამ ეტაპზე მეორე პროგრამისთვის გათვალისწინებული ლიმიტი თითქმის ამოწურულია.