2022-04-25 00:55:50
რუსთავში, მე-11 მიკრორაიონში ხანძარი იყო.
საინფორმაციო სააგენტო "ინფო რუსთავის" ინფორმაციით, ცეცხლი მე-7 სართულზე ერთ-ერთ ბინაში გაჩნდა.
ხანძრის გაჩენის დროს სახლში არავინ იმყოფებოდა და ცეცხლი მეზობლებმა შენიშნეს, რის შესახებაც 112-ს აცნობეს.
ადგილზე მობილიზებული იყო სახანძრო-სამაშველო, სამართალდამცავთა და სასწრაფო-სამედიცინო სამსახურების ეკიპაჟები.
ძლიერი დაკვამლიანების გამო, კორპუსისთვის ელექტრო ენერგიის გათიშვა მოხდა.
ამ დროისთვის უცნობია, რა გახდა ცეცხლის გაჩენის მიზეზი, თუმცა მეზობლების ვარაუდით, ხანძარი ელექტრო სადენებმა გამოიწვია. შემთხვევის დროს არავინ დაშავდა.
