რუსთავში 12:00 საათის მონაცემებით საკუთარი არჩევანი 12 162-მა მოქალაქემ დააფიქსირა, რაც რუსთაველი ამომრჩევლის 11,44%-ია.

ამის შესახებ "ინფო რუსთავს" საოლქო საარჩევნო კომისიის თავმჯდომარემ, გაგა აფციაურმა განუცხადა.

რაც შეეხება გარდაბნის 10 თემში მისულ ამომრჩეველთა რაოდენობას, 12 საათისთვის 3576-მა პირმა გააკეთა საკუთარი არჩევანი.

აფციაურის ინფორმაციით, დარღვევებს ადგილი არ ჰქონია და ხმის მიცემის პროცედურა მშვიდ ვითარებაში მიმდინარეობს.

ქალაქის მასშტაბით 106 270 ამომრჩეველია რეგისტრირებული.

შეგახსენებთ, დღეს რუსთავში შუალედური საპარლამენტო არჩევნები ტარდება.