თბილისში, ევროპის მოედანზე გია გაჩეჩილაძის, იგივე უცნობის მიერ ორგანიზებული საზოგადოებრივი შეკრება დაიწყო.

“ამ ქვეყანაში გენეტიკური კოდი არ დაიკარგება. ცრემლები მომდის, რამდენი ვართ”, - ეს იყო პირველი სიტყვები, რომლითაც გაჩეჩილაძემ ევროპის მოედანზე შეკრებილ მოქალაქეებს მიმართა.

შეკრების ორგანიზატორის თქმით, ის დღეს, 9 აპრილს, მარადისობის დღეს აფუძნებს.

როგორც გია გაჩეჩილაძემ აღნიშნა, დღევანდელი შეკრების მიზანია, “ქართულმა ოცნებამ პოლიტიკური ნაგავი გაიტანოს”.

ასევე, მისი თქმით, ის მხარდაჭერას უცხადებს პატრიარქს, ილია II-ს.

ევროპის მოედანზე შეკრებილი ადამიანები მსვლელობით საპატრიარქოსთან გადაინაცვლებენ და “პატრიარქს მადლობას გადაუხდიან”.