2021-01-20 00:50:57
რუსთავში მოზარდი აივნიდან გადმოვარდა.
"ინფო რუსთავი"-ს ინფორმაციით, XIX მიკრორაიონში, 13 წლის გოგონა საკუთარ ბინაში, მესამე სართულზე აივანზე იმყოფებოდა, რა დროსაც ის შეუძლოდ გახდა და აივნიდან გადმოვარდა.
ადგილზე დროულად მივიდა სასწრაფო სამედიცინო დახმარების ეკიპაჟი. მოზარდი კლინიკა რუსთავში გადაიყვანეს, სადაც მას პირველადი სამედიცინო დახმარება გაეწია.
ამ დროისთვის პაციენტი თბილისში, იაშვილის კლინიკაში გადაყავთ.
როგორც "ინფო რუსთავს" კლინიკა რუსთავში განუცხადეს, გოგონა სამედიცინო დაწესებულებაში შეყვანისას გონზე იყო, მას მრავლობითი მოტეხილობები აღენიშნებოდა.
