რუსთავში #2 და #18 ავტობუსები გაუქმდა. საზოგადოებრივი ტრანსპორტის გადაადგილებასთან დაკავშირებით ცვლილებების განხორციელებაზე გადაწყვეტილება რუსთავის მუნიციპალიტეტის საკრებულომ მიიღო.

საკითხთან დაკავშირებით, დღევანდელ სხდომაზე მომხსენებელი რუსთავის მერიის აპარატის უფროსი ნინო ნიკოლავა იყო. მისი განცხადებით, #2 და #18 ავტობუსები, მგზავრთნაკადის შემცირების გამო, წლებია არ მოძრაობს დადგენილ მარშრუტზე. 

„შემოვდივართ წინადადებით, მოხდეს დადგენილებაში ცვლილება და გაუქმდეს აღნიშნულ მარშრუტზე 2 და 18 ნომრის ავტობუსების მოძრაობა“ - განაცხადა ნინო ნიკოლავამ.

ცვლილებების განხორცილების თაობაზე დეპუტატებმა იმსჯელეს და კენჭისყრის შედეგად, დადებითი გადაწყვეტილება მიიღეს.

სხდომას საკრებულოს თავმჯდომარე ლევან ონიანი უძღვებოდა.