2020-08-01 16:46:26
ავტოსაგზაო შემთხვევა მოხდა ლიკანში.
ერთმანეთს სამგზავრო და სადისტრიბუციო მიკროავტობუსები შეეჯახნენ.
შემთხვევის დროს თბილისი-ახალციხის მიმართულებით მოძრავ მიკროავტობუსს მგზავრები გადაჰყავდა.
გავრცელებული ინფორმაციით, მძიმედ არიან ორივე დაშავებულები მიკროავტობუსის მძღოლები. დაშავებულებს შორის ასევე არიან მგზავრებიც.
შინაგან საქმეთა სამინისტრომ მომხდარზე გამოძიება სისხლის სამართლის კოდექსის 276-ე მუხლის მე -2 ნაწილის მიხედვით დაიწყო, რაც ავტომობილის სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას ნიშნავს.
